platt.best - Drift vun Harten

Drift vun Harten

Logo Platt Best - Dirft vun Harten

Dat is de niege Bundesraat för Nedderdüütsch Audio

De Bundesraat för Nedderdüütsch is nieg opstellt worrn. Vun 2022 bit 2026 warrt sik nu 20 Lüüd ut de acht norddüütschen Bundslänner un ut de Grupp vun de Plautdietschen för plattdüütsche Themen stark maken. Mit dorbi sünd in de tokamen veer Johr: För Brannenborg Ute Eisenack un Adelheid Schäfer,  för Bremen Heiko Block un Gesine Reichstein, för Hamborg Hartmut Cyriacks un Peer-Marten Scheller, för Meckelnborg-Vörpommern  Johanna Bojarra un Nadine Koop, för Neddersasssen Gesche Gloystein un Heinrich Siefer, för Nordrhein-Westfalen Anne Fink un Werner Zahn, för Sassen-Anhalt Norbert Lazay un Dr. Saskia Luther, för Sleswig-Holsteen Marianne Ehlers un Jan Graf, för de Plautdietschen Elina Penner un Dr. Heinrich Siemens, för SONT (Nedderlannen) Arja Olthof un Henk Nijkeuter (Gaststatus). Johanna Bojarra un Heinrich Siefer warrt tokünftig för den Bundesraat spreken.

Gruppenfoto des Bundesrates für Niederdeutsch vor dem Hamburger Ohnsorg Theater.En Deel vun de Maten ut den niegen Bundsraat för Nedderdüütsch.
#HochDeutsch

Sprechervertreter für Bundesebene  neu gewählt

Auf seiner Sitzung am 16. Juni 2022 in Hamburg hat sich der Bundesraat för Nedderdüütsch (BfN) für die Delegationsperiode 2022 bis 2026 konstituiert. Die Heimatverbände und Niederdeutschvereine der acht Bundesländer, die im BfN vertreten sind, sowie die Gruppe der Plautdietschen hatten zuvor je zwei Ländervertreter:innen delegiert.
In dieser neuen Zusammensetzung vertritt der BfN in den kommenden vier Jahren die Interessen der niederdeutschen Sprechergruppe auf Länder- und Bundesebene sowie in europäischen Bezügen.

To’n eersten Mol gifft dat dree Maaten för junge Lüüd

 To’n eersten Mol gifft dat ok dree Vertreter:innen för de jungen Plattschnacker*innen. „Wir freuen uns auf die Zusammenarbeit mit Thees Becker, Kevin Behrens und Mareike Meents, die viele Ideen mitbringen, um Niederdeutschangebote für junge Lüüd zu entwickeln sowie ein Niederdeutschnetzwerk für junge Erwachsene aufzubauen", meent Johanna Bojarra. De niege Bundsraat will sik in de tokamen veer Johr ganz besünners üm de Themen Medien un Bildung kümmern. Aver ok de Pleeg un de Sichtbarkeit vun’e Spraak in’e Öffentlichkeit schall nich to kort kamen.

Wat wüllt de dree jungen Lüüd op de Been stellen?

Un ok de dree Jugendvertreter*innen hebbt sik Gedanken maakt, wat se geern doon wüllt för de Spraak. Kevin Behrens ut Bremen will sik för mehr Platt in de soschalen Medien insetten. Dormit ok junge Lüüd en Togang to de plattdüütsche Spraak hebbt. Dat wünscht sik ok Mareike Meents ut Oostfreesland. Blangen de Medien is ehr de Bildung wichtig. Platt as egen Schoolfach in alle acht norddüütschen Bundslänner – dat wünscht se sik. Thees Becker ut Oostfreesland will de Spraak bi’n BfN en Gesicht geven – he will junge Lüüd wiesen, datt hier wat för de Spraak doon warrt. Un dorför will he en Nettwark opbuun. Mit Schwung un veele frische, junge Ideen schall de Arbeit nu losgahn.

Wat is de Bundsraat för Nedderdüütsch?

De Bundsraat för Nedderdüütsch (BfN) is 2002 grünnt worrn un schall sik för de spraakpolitischen Interessen vun de Plattsnacker insetten. Dat geiht dorbi nich blots üm dat Fördern vun de Spraak, dat geiht ok dorüm, de Rechte vun de Sprakencharta ümtosetten un en Plattdüütsch-Nettwark op de Been to stellen. De Delegeerten vun den Bundsraat kaamt ut de acht Bundslänner un ut de Plautdietsch-Sprekergrupp. Gastsstatus hett de Dackorganisaschoon SONT vun de Regionolen Sprekergruppen in de Nedderlannen: Streektaal Organisaties Nedersaksisch Taalgebied.

Link zur Homepage des Niederdeutschsekretariats

Gruppenfoto der drei Jugendbeauftragten des Bundesrates für Niederdetsch.Jung un Lust op Platt: Thees Becker, Mareike Meents un Kevin Behrens

De dree hebben den Opdrag ut de Sicht vun un för junge Lüüd in den Bundsraat för Nedderdüütsch mittoarbeiden.

Text / Fotos: Heike Thode-Scheel / Niederdeutschsekretariat
Plattdüütsch Zentrum / Zentrum für Niederdeutsch
Landesdeel Schleswig
Wi möögt Cookies
Cookies maken uns dat Anbeden vun unsen Deenst lichter. Wenn Se op unse Siet ünnerwegens sind, bedüüdt dat, dat Se dor nix gegen hebbt, dat wi Cookies bruken. Hier gifft dat dorto mehr to weten...