platt.best - Drift vun Harten

Drift vun Harten

Logo Platt Best - Dirft vun Harten

Interaktive Utstellen över Minnerheiten un Platt Audio

Hej! Gud dai! Witaj! Aven! Moin! Dat is doch mol en Begröten in uns fief lütte Spraken. De Wanner-Utstellen „Was heißt hier Minderheit?“, de in Berlin an‘n Start gahn is un vun den 22. September bet to'n 31. Oktober 2022 in Kiel in't Landshuus to sehn sien warrt, maakt dat richtig. Denn jedeen schall doch in de Spraak snacken, mit de he groot worrn is. Dat is de eerste Utstellen, de över de veer Minnerheiten un de Plattdüütschen bi uns in’t Land informeert. Mit vun’e Partie sünd de Dänen, de Fresen, de Sorben/Wenden, de Sinti un Roma un de Nedderdüütschen. Dat geiht nich blots üm de Geschicht vun de enkelten Spraken, dat geiht ok üm de Gegenwart un vör allen Dingen üm de Fraag: Wat hebbt de lütten Spraken noch för en Tokunft? Woans is dat Miteenanner vun de Mehrheit un de Minnerheit, wat Spraken angeiht? Wat speelt de Modderspraak noch för en Rull in den Alldag un wo warrt se noch snackt. Wat wünscht sik de Gruppen för de Tokunft?

Interaktive Station zur niederdeutschen SprachePlattdüütsch to'n Entdecken un Utproberen.
#HochDeutsch

Wanderausstellung "Was heißt hier Minderheit?"

Unser Land ist seit jeher durch viele verschiedene kulturelle Einflüsse geprägt. Vielfalt, Brüche und Bewegung – das ist typisch für Deutschland. Dänen, Freisen, Sorben/Wenden, deutsche Sinti und Roma, Plattsprecher, sie alle gehören dazu. Was ist ihre Geschichte? Wie steht es um das Miteinander von Mehrheit und Minderheit? Und was wünschen sich Angehörige der Gruppen für ihre Zukunft?

Mit dieser Ausstellung geben die vier autochthonen Minderheiten und die Sprechergruppe Niederdeutsch einen bisher einzigartigen und gemeinsamen Einblick in ihre jahrhundertealte Geschichte und ihre (gelebte) Gegenwart im heutigen Deutschland.

Sprachenvielfalt ist Reichtum

All dat hett de Minnerheitenraat tosamen mit den Bunnesraat för Nedderdüütsch in de Utstellen mit rinpackt. Dat weer dree Johr harde Arbeit – man dat lett sik sehn. Dat is keen drögen Kraam – de Utsellen is interaktiv. Dat heet, jedeen kann mitmaken. Kann sik wat anhöörn, Filme ankieken, wat anfaten, bewegen . . . Un vör allen Dingen: De verscheden Spraken toluustern. De Minschen schöllt sehn: „Unsere Sprachenvielfalt ist ein Reichtum“, so Katrin Göring-Eckardt. Se weer de Bunnesdagsvizepräsidentin. Dat blifft en grote Opgaav, de lütten Spraken in unse Alldag lebennig to holen, meent de Politikerin. „Wir zeigen, dass Minderheiten unsere Demokratie bereichern und zugleich Brückenbauer zu benachbarten Ländern und Kulturen sind“, versekert de Vörsittende vun den Minnerheitenraat, Gitte Hougaard-Werner. 

Fief Johr wannert de Spraken-Utstellen dörch’t Land

De Utstellen schall nu fief Johr lang op Wannerschap dörch’t ganze Land gahn. De Wannerroute kann en sik op de Internetsiet ankieken. Wokeen de Spraken-Utstellen sülven mal wiesen will, de kann sik bi’t Minnerheitensekretariat mellen. Dat kost nix. Eerste Indrücke, Trailer, Videos un en Flyer gifft dat op de Internetsiet to sehn.

www.washeissthierminderheit.de

Diese E-Mail-Adresse ist vor Spambots geschützt! Zur Anzeige muss JavaScript eingeschaltet sein.

Dokumentation zur Eröffnung der Wanderausstellung im Bundestag

Ausstellungsstation der deutschen Sinti und Roma.

Interessante Stationen maken Lust op mitmaken un wat to weten kriegen.

Blick in den Ausstellungsraum des Deutschen Bundestages, im Vordergrund die Station der deutschen Sinti und Roma.

De Utstellen is vun de 22. September bet to de 31. Oktober 2022 in Kiel in't Landshuus to sehn.

Text / Fotos: Heike Thode-Scheel / Arndt Oehmichen
Plattdüütsch Zentrum / Zentrum für Niederdeutsch
Landesdeel Schleswig
Wi möögt Cookies
Cookies maken uns dat Anbeden vun unsen Deenst lichter. Wenn Se op unse Siet ünnerwegens sind, bedüüdt dat, dat Se dor nix gegen hebbt, dat wi Cookies bruken. Hier gifft dat dorto mehr to weten...