platt.best - Drift vun Harten

Drift vun Harten

Logo Platt Best - Dirft vun Harten

Nedderdüütsche Literaturpries för en groten Dichtersmann Audio

Siet över dörtig Johr gifft dat nu al den „Niederdeutschen Literaturpreis der Stadt Kappeln“. De Pries warrt tosamen mit den Sleswig-Holsteenschen Heimatbund (SHHB) för „herausragende Leistungen im Bereich der niederdeutschen Sprache“ utlöövt. Dat is also so wat as de plattdüütsche Nobelpries för Literatur. Wobi – middewiel geiht dat nich blots üm Literatur, dat geiht ok üm plattdüütsches Theater, üm de Medien, üm Musik oder Verloge. Wenn en sik de List vun de Priesdregers ankieken deit, denn is dat sowat as dat „Who is Who“ vun de Plattwelt. Ina Müller hett em kregen, Gerd Spiekermann, Konrad Hansen, Reimer Bull, Irmgard Harder oder Dörte Hansen. Dat sünd blots en poor Bispelen.

TEST BildPriesdreger in Kappeln 2022: Hans-Hermann Briese
#HochDeutsch

Kappelner Literaturpreis 2022 für einen großen Dichter

Seit über 30 Jahren gibt es den „Niederdeutschen Literaturpreis der Stadt Kappeln“. 1991 wurde er von der Stadt Kappeln und dem Schleswig-Holsteinischen Heimatbund (SHHB) für „herausragende Leistungen im Bereich der niederdeutschen Sprache“ ausgelobt. Er gilt als der „plattdeutsche Nobelpreis für Literatur“.

Dieses Jahr hat eine Jury aus Platt-Expert*innen den Dichter und Autor Hans-Hermann Briese aus Ostfriesland nominiert, „einen niederdeutschen Literaten ersten Ranges . . . einen Meister des Epigramms, des kurzen, zugespitzten Sinngedichts“. Seine Gedichte seien knapp und präzise formuliert. Hans-Hermann Briese hat schon viele nationale und internationale Auszeichnungen erhalten. Der „Niederdeutschen Literaturpreis der Stadt Kappeln“ wird am 4. November in einer Feierstunde in Kappeln überreicht.

Dichtersmann Hans-Hermann Briese is de niege Priesdreger

Verleden Johr hett de Quickborn-Verlag den Pries kregen – düt Johr geiht de Kappelner Literaturpries wedder an en Dichtersmann: Hans-Hermann Briese ut Ostfreesland. An‘n 4. November 2022 warrt de Pries in en Fierstünn in Kappeln övergeven.

„Ein niederdeutscher Literat ersten Ranges“

De Jury ut Platt-Fachlüüd nöömt em „einen niederdeutschen Literaten ersten Ranges . . . ein Meister des Epigramms, des kurzen, zugespitzten Sinngedichts“. Knapp un präzise formuleert sünd sien plattdüütsche Verse, so de Expert*innen. För siene plattdüütsche Lyrik hett he al vele Utteken kregen – un dat nich blots in Düütschland. Jümmers wedder mellt sik de Dichtersmann „mit guter plattdeutscher Zunge zu Wort“, as dat in de Laudatio heet. Un jümmers to ganz aktuelle Themen.

Deepdenkern Verse to den Ukraine-Krieg

As de Ukraine-Krieg in de Gang weer, hett Briese in‘n März 2022 dat Gedicht „Lamento“ in’t Nett stellt – un hett mit sien deepdenkern Regen de Minschen wohrschuut un opwöhlt:

Hans-Hermann Briese: Lamento

Over Grosny örgeln Raketen
Schrapnells klimpern in holle Husen
Stakkato tacken Maschiengewehren
In heel grelle Klang giert de Dood dat ut

En eenzig Requiem de Stadt
Ut de Kellers dat Lamento
Olle Fraulüü singen Allah vandag
In de Diskant van dat Piengereer

De Siegers sünd keen Triumphmarsk nöderg
Sükse Siege sünner Oratorium
Sükse Siege sünner Magnificat
De Siegers sünd keen Triumphmarsk nöderg

En Födderer vun de nedderdüütsche Literatur

Aver Hans-Hermann Briese is nich blots Dichtersmann, so seggt de Jury. He föddert ok de nedderdüütsche Literatur mit de Literatur-Tietschrift „Diesel“ oder as aktiven Mitstrieder bi de Bevensen-Dichter-Tagung.

Text / Fotos: Heike Thode-Scheel / Schleswig-Holsteinischer Heimatbund
Plattdüütsch Zentrum / Zentrum für Niederdeutsch
Landesdeel Schleswig
Wi möögt Cookies
Cookies maken uns dat Anbeden vun unsen Deenst lichter. Wenn Se op unse Siet ünnerwegens sind, bedüüdt dat, dat Se dor nix gegen hebbt, dat wi Cookies bruken. Hier gifft dat dorto mehr to weten...