Emmi för söss kreative
plattdüütsche Projekte Audio
De Landdag, dat Ministerium för Billen, Wetenschop un Kultur un de Heimatbund in Sleswig-Holsteen ropen all twee Johr op sik för de Ehrenpries "Emmi för Plattdüütsch in Sleswig-Holsteen" to bewarven.
Priesdregers un Laudatoren vör de Sleswig-Holsteesche LanddagSechs plattdeutsche Projekte mit Emmi ausgezeichnet
Vom Filmprojekt für coronabedingt daheimgebliebene Kita-Kinder bis zur Bachelorarbeit: Sechs Gewinner können sich über die „Emmi för Plattdüütsch in Sleswig-Holsteen“ 2021 freuen. Die schmiedeeiserne Meerjungfrau gibt es im zweijährigen Rhythmus für die Förderung des Plattdeutschen im Alltag. Der Präsident des Schleswig-Holsteinischen Landtages verleiht diesen Preis an Kindertageseinrichtungen, Schulen, Hochschulen und Ehrenamtler gemeinsam mit der Ministerin für Bildung und Wissenschaft des Landes Schleswig-Holstein und dem Präsidenten des Schleswig-Holsteinischen Heimatbunds.
Veer Emmis för de Noorden...
Afhaalt hebben de lütte gußiesern Seefru ok en Deels Priesdregers ut de nöördliche Landsdeel. So kreeg Günter Herrmann ut Harrislee ehr för sien grote Fundus an Kinnerleder un Musicals, de he as Platt-Paat an de Zentralschool schreven hett un mit jedereen för "velen Dank" deelt. Op de eerste Blick verkeken harr sik Böörni, dat plattdüütsche Schaap ut de Evangelische Kinnergoorn in Viöl, in Emmi. Mit sien Touren, wat he mit Sandra Kemper-Petersen un Tanja Krien in de Lockdown-Tieden maakt hett, hett he dat Hart vun de Jury faatkregen. Ünner de Huut gung dat Gremium de Bidrag, wat Steffen Ketelsen för de Junge Lüüd ut Löwenstedt inlangt harr, de in en Theaterprojekt as Gedankenexperiment to dat Thema Flüchten möten de Perspektive umdreiht hebben. Ok för de Wetenschop geiht en Emmi ganz in'n Noorden: Alena Hansen-Wilkens studeert an de Europauniversität in Flensborg un hett in ehr Bachelor-Arbeit ünnersöcht, wodennig Billerböker goot in'n Plattdüütsch-Ünnerricht insett warrn könen.
... un twee Emmis gaht na't Holsteensche
Ut de Noot, dat se sik nich drapen dorven, hebben ehemalige Schölersun ehr Lehrerin vun de Grundschool an'n Struckdiek in Zarpen en Online-Snackrunn inricht un Schölers vun de Auguste-Viktoria-School in Itzehoe hebben en Höörspeel produzeert.
Link na de Bericht vun de NDR.
Bedankt sik mit dat Agfslussleed to sien niege Musical "Keeneen is perfekt": Günter Herrmann ut Harrislee.
Kunnen Böörni sien Hartenswunsch erfüllen: Tanja Krien un Sandra Kemper-Petersen nehmen en Emmi mit in de Viöler Kita.
Gifft en lütte Inblick in ehr Bachelor-Arbeit to dat Thema „Lernsprache Niederdeutsch – zur Qualität und dem didaktischen Potential niederdeutscher Bilderbücher für den gesteuerten Spracherwerbsunterricht an Grundschulen“: Alena Hansen-Wilckens studeert an de Europauniversität in Flensborg