luut & düütlich - Narichten op Platt to'n Hören un Lesen Audio
Lang hebbt wi Plattdüütschen in Sleswig-Holsteen töövt – nu is dat endlich sowiet: Ünner dat Motto „Medien mit Wietsicht“ künnt wi plattdüütsche Radio hören mit Narichten, mit Musik un Moderatschoon. Un bavento gifft dat ok noch en Online-Magazin un Social Media-Bidrääg. PLATTform heet de niege Medienplattform vun den Sleswig-Holsteenschen Heimatbund. Vun maandags bit friedags löppt de Sennen „luut & düütlich“ mit de wichtigsten Narichten ut de Region un ut de hele Welt un an’t Wuchenenn kiekt de Redakschoon in de „Wekenschau“ op allens trüch, wat in de Wuch passeert is. To hören is de nie'e Radiosennen över DAB+, UKW un över de Livestreams vun den Offenen Kanal SH (OKSH).
Niederdeutsch im Radio und im Netz:
PLATTform geht auf Sendung
Die PLATTform des Scheswig-Holsteinischen Heimatbunds ist das Dach für verschiedene mediale
Formate auf Plattdeutsch eine halbstündige Radiosendung mit Nachrichten, ein Online-Magazin
sowie Social Media-Beiträge.
Ab dem 5. Januar 2026 werden in der Sendung "luut & düütlich" von Montag bis
Freitag täglich wichtige Ereignisse des Tages reflektiert, am Wochenende gibt es in der Sendung "Wekenschau" einen kurzen Wochenrückblick. Die Beiträge sollen insbesondere auch junge Menschen ansprechen. Ergänzt wird das mediale Angebot durch Website- und Social-Media-Beiträge, die auf den bestehenden Kanälen des
SHHB veröffentlicht werden.
Die Radiosendung kann täglich über DAB+, UKW bzw. die Livestreams des OKSH empfangen oder
online nachgehört werden. Der Online-Auftritt der PLATTform ist unter
www.heimatbund.de/plattform erreichbar.
Stütt un Stöhn vun den Offenen Kanal un vun den NDR
PLATTform heet dat Projekt, wat verleden Johr vun de Medienanstalt Hamburg/Schleswig-Holstein (MA HSH) utschreven wurrn is, üm de plattdüütsche Spraak in de Medien noch mehr to stärken un üm den Handlungsplaan Nedderdüütsch ümtosetten. De Sleswig-Holsteensche Heimatbund hett den Toslag kregen un kann sik över 369.800 Euro Fördergeller freun. De hett dat Land för dree Johr bewilligt. Stütt un Stöhn kriegt se bavento noch vun den Offenen Kanal Schleswig-Holstein un vun den NDR as Kooperatschoons-Partners. „Das ist bundesweit beispielhaft“ hett Johannes Callsen seggt. He is de Minnerheiten-Beopdragte vun’t Land Sleswig-Holsteen: „Dieses Projekt macht Niederdeutsch tagesaktuell hörbar und bereichert damit die kulturelle Vielfalt und die Lebendigkeit des Plattdeutschen in unserem Land", so Callsen.
Wenn Modereren to en Aventüer warrt . . .
Veel to doon hebbt de beiden Redakteure Alina Dwenger un Karsten (Kadde) Tolle. Se springt sotoseggen koppheister in’t kole Water rin. Alina is twoors Plattsnackerin, aver: „Dat Modereren vun Radiosennen is en heel ne’e Erfohren för mi, aver mit de plattdüütsche Spraak bün ik bannig vertruut, denn dormit bün ik groot worrn. Dorüm freu ik mi dull, mien Moderspraak to mien Beroop to maken.“ Bi Kadde is dat annersrüm: „As ik dat Projekt wies worrn bün, weer ik glieks begeistert . . .“ vertellt de ehemalige Pressespreker vun den Sleswig-Holsteenschen Football-Verband. Man mit de plattdpüütsche Spraak is dat so en Saak: „Ut mien Tiet bi dat ‚Campus Radio‘ un bi den Football-Verband bring ik Moderatschoonskenntnis mit, aver Modereren op Platt – dat warrt en heel ne’e Aventüer!“
Dat Team will vör allen Dingen junge Lüüd ansnacken
Middewiel hebbt de beiden al en poor Sennen achter sik un ut dat Aventüer bi’t Modereren is al sowat as Routine wurrn. Dat Team will för allen Dingen junge Lüüd ansnacken un kloor maken: Platt is nich blots wat för ole Lüüd. Dorüm gifft dat de PLATTform natürlich ok in de sotschalen Medien. Un wokeen de Narichten noch mal nalesen will, de kann dat op de Internetsiet maken. Dor kann een ok jede Sennen nochmal nahöörn. Johannes Callsen is jedenfalls all Füer un Flamm för de nie'e plattdüütsche Medien-Plattform un hett bi Instagram düssen Kommentar to de eerste Utgaav schreven: „Dat weer en richtig feine Sennen un en gude Start!“
Senntieden: Mo | Mi-Fr | luut&düütlich Klock 17-17.30
Sa | Wekenschau | Klock 10-10.30
Infos un Radio online: https://www.heimatbund.de/plattform
Livestream: www.oksh.de/ki/hoeren/kiel-fm-livestream/
Radio: UKW: 98,8,MHz | DAB+Kanal: 9D
Instagram: https://www.instagram.com/heimatbundsh/
Mastodon: https://social.schleswig-holstein.de/@heimatbundsh