platt.best - Drift vun Harten

Drift vun Harten

Logo Platt Best - Dirft vun Harten

Vun Hansestadt to Hansestadt op Platt Audio

Plattdüütsch – dat weer in’t Middelöller de Spraak vun de Hanse. Dat hebbt de Kooplüüd in Lübeek jüst so snackt as in Hamborg, Lümborg, Stood oder Bremen. Ja sogor in Nowgorod hebbt se Platt snackt. Dat kann een in de Geschichtsböker nalesen oder in ole Hannels-Dokumente. Dat kann een aver ok överall in de Hansestädte wieswarrn. Dat hett dat Lännerzentrum för Nedderdüütsch (LzN) in Bremen op en Idee bröcht: Worüm kann en nich all dat Weten üm de plattdüütsche Spraak, de Kultur un de Geschicht op en Siet tosamenbringen? Dor is de Internetsiet www.hanserouten.de bi rutkamen.

Zeichnung zur geografischen Lage einer Auswahl norddeutscher HansestädteUtsnitt vun de Infografik to de Hanse ut dat Materialheft "Jugend verkloort Platt", opleggt un to'n Daalladen op de Siet vun dat Lännerzentrum, Link steiht ünner den Text.
#HochDeutsch

Hochdeutsche Ãœberschrift

Plattdeutsch war einmal die normale Alltagssprache der Norddeutschen – und nicht nur dort! Ãœber ausgewanderte Handwerker und Kaufleute hat das Plattdeutsche zudem Einfluss auf andere Sprachen genommen. Und wo sind unsere Sprachwurzeln heute geblieben? Das Länderzentrum für Niederdeutsch ist dieser Frage nachgegangen und zu Hanseorten gereist, um zu schauen, was noch von der Hansezeit zu finden ist mit ihrer Sprache Mittelniederdeutsch. Fünf Hansestädte habensie sich sehr genau angeschaut und laden mit dem Projekt hanserouten.de ein zu Spaziergängen, Filmen, Vorträgen und vielem  mehr.

Für Jedermann erlebbar betont das Projekt das kulturelle Erbe der Hansezeit mit dem Fokus auf die niederdeutsche Sprache und schlägt eine Brücke in die Gegenwart.

Textquelle: www.hanserouten.de

En Törn dör de Geschicht un de plattdüütsche Spraak

So en grote Projekt hett dat Lännerzentrum nich alleen op de Been stellt. Dat Europääsche Hansemuseum in Lübeck weer mit vun de Partie, de Unis Olldenborg un Rostock, dat Hansebüro Lübeck un de Forschungssteed för de Geschicht vun de Hanse un den Ostseeruum. Acht Maanden sünd dorbi in’t Land gahn. Aver de Hanserouten köönt sik sehn laten. Ob man se nu tohuus an‘n Computer maken will oder lever sülven dör dat Land reisen will: Mit Auto, Fohrrad, Bus oder Bahn. Dor is för Jung un Old wat dorbi. Un dat glieks in dree Spraken: Op Platt, Hochdüütsch un Engelsch. So köönt ok de Touristen ut anner Länner nipp un nau sehn, wo de ole Hannelsspraak Plattdüütsch hüüt noch to finnen is.

Op ole Hanneslsweeg ünnerwegens

Un denn geiht uns Reis ok all los: Vun Bremen na Staad, vun Stood na Hamborg, vun Hamborg na Lümborg, vun Lümborg na Lübeck un vun Lübeck trüch na Hamborg. Wi folgt also de olen Hannelswege vun domals. Un wat een dor all’ns entdecken kann: To’n Bispill de plattdüütschen Inschriften in‘n Audienzsaal vun’t Lübecker Raathuus. Oder wat dat mit dat witte Gold ut Lünmorg op sik hett. Wi lehrt den Roland vun Bremen kennen un worüm se Staad enfach ut de Hanse smeten hebbt. Worüm hebbt se in Hamborg so veele Bruereen in’t Middelöller hatt? Tja, de Antwoort gifft dat op de Hanserouten-Siet.

Verlopen kann en sik nich – dat gifft Korten, Tipps un Spazeergänge

De velen Infos vun de Hansestädte sünd mit passen Biller, interaktive Korten, Links to anner Internetsieden un lütte Filme oprüüscht. Verlopen kann en sik nu wiss nich mehr. Un en Stadtföhrer bruukst du ok nich. Eenfach dat Handy an un denn geiht dat los.  Hier kannst du also Geschicht klook kriegen, wat över de Hanse lehren, dör de Städte spazeren un de schöönsten Steden besöken, en Plattkurs maken un Land un Lüüd kennenlehren. Un dat all’ns för ümsünst. Mehr geiht nich, oder?

Link na de Startsiet vun hanserouten.de

Link na de Startsiet vun dat Lännerzentrum för Nedderdüütsch

Startbildschirm zum Hanse-Erklärfilm über Lübeck

To de fief Städte Bremen, Stood, Lümborg, Hamborg un Lübeek gifft dat korte Verkloorfilms.

Beschreibung der ersten Station auf dem interaktiven Hanseroutenweg von Lübeck nach Hamburg

Mit interaktive Koorten un Links geiht op fief Etappen vun Hansestadt to Hansestadt.

Text /Fotos: Heike Thode-Scheel / Screenshots vun de Websiden un Material vun hanserouten.de un dat Lännerzentrum för Nedderdüütsch
Plattdüütsch Zentrum / Zentrum für Niederdeutsch
Landesdeel Schleswig
Wi möögt Cookies
Cookies maken uns dat Anbeden vun unsen Deenst lichter. Wenn Se op unse Siet ünnerwegens sind, bedüüdt dat, dat Se dor nix gegen hebbt, dat wi Cookies bruken. Hier gifft dat dorto mehr to weten...