Wo kann dat gahn mit Platt snacken in de Familie? Audio
Plattdüütsch kann blots överleven, wenn de Spraak ok snackt warrt. Un wenn unse lütte Spraak ok wiedergeven warrt. Dor spelen de Familie un de Kinner en ganz grote Rull. Dorum hett dat Nedderdüütschsekretariat in Hamborg en Broschüür rutgeven, de Informatschonen geven deit: „Plattdüütsch in de Familie – Tipps för junge Öllern“ heet de. Dat Heft will nich blots mit Vörurdele oprümen, dor kamen ok Öllern to Woort, de mit jem ehr Kinner al lang Tohuus Platt snacken doot. Un natürli warrt dor ok allerlei Material vörstellt, wat de Öllern bruken köönt. To’n Bispill en plattdüütsche Bökerlist, verschedene Medien to toluustern oder wo en Platt lehren kann.
Informationsbroschüre für junge Eltern und solche, die es werden wollen.
Plattdeutsch hat eine große Relevanz für die Region und ist auf die Weitergabe der Sprache angewiesen. Hierbei spielen Familien eine wichtige Rolle, doch viele Eltern sind sich bei einer zweisprachigen Erziehung oft unsicher. Wir geben jungen Eltern in dieser Broschüre Tipps an die Hand, wie sie ihre Kinder mit beiden Sprachen des Nordens erziehen können, dazu kommen andere niederdeutsche Eltern zu Wort und berichten von ihren Erfahrungen.
In der Broschüre räumen wir mit den häufigsten Vorurteilen einer plattdeutsch-hochdeutschen Erziehung auf, damit das Projekt "zwei Muttersprachen" erfolgreich klappt. Wir möchten jungen Eltern Mut machen, ihre Sprache an die nächste Generation weiterzugeben.
Quelle: www.niederdeutschsekretariat.de
Hebben Kinner Kuddelmuddel in de Kopp, wenn se twee Spraken lehren?
Dat Wichtigste aver is, de Vörurdele över Plattdüütsch los to warrn. „Kinner hebben „Kuddelmuddel in de Kopp“, wenn se Platt un Hochdüütsch tosamen lehren schöllt?“ Wat för en Dummtüüch. Dat Gegendeel stimmt: Dörch dat „Codeswitching“ (dat hen- un herwesseln twüschen de Spraken) hebben se en veel grötteren Woortschatz un köönt later veel eenfacher Fremdspraken lehren. En Bispill gifft Jan Graf, Autor, Musiker un Journalist op un för Platt. He un sien Fru hebben vun Anfang an mit jem ehr veer Kinner Platt snackt. As de Lütten denn in de Kinnergoorn kemen, hebben se wedder mehr Hochdüütsch tohuus snackt. In de Grundschool wesselten dree vun de veer wedder hen na Platt. Normal, finnt Jan Graf, un meent: „Wir haben den Eindruck, dass ihnen auch klar ist, dass sie etwas können, das andere nicht können.“
Twee Spraken sünd beter as en . . .
Twee Spraken sünd beter as en – nich blots för‘en Kopp, ok för de Gesellschop. Denn de Lütten kriegen vun Anfang an de Respekt för anner Minschen un anner Spraken mit op de Weg. De Kinner vun Gesa Retzlaff vun’t Plattzentrum in Leck wesseln jümmers twüschen Hoch un Platt hen un her. Kummt ganz op de Minschen an, mit de se snacken doot: „Sie haben einen selbstverständlichen Respekt vor anderen, insbesondere auch kleinen Sprachen.“
„Snackt tohuus so veel Platt as geiht!“
Aver wi stellt een dat nu an mit Platt in de Familie? Ok dor gifft düsse Broschüür Tipps. „Snackt so veel Platt as geiht tohuus“ is en dorvun. Maakt Spele op Platt, leest op Platt vör, höört mit jemme Kinner plattdüütsche Höörböker. Aver för allens: Stellt klore Regeln op. So as „en Person, en Spraak“. Also snackt tohuus en Person mit de Lütten Platt (natürlich sünd twee noch beter). Un twoors jümmers! Oder man seggt: Bi’t Eten snacken wi mal all Platt. Ganz wichtig is: Blievt bi jemme Spraak. De Kinner bruken nich jedeen Woort to verstahn. De kriegen dat ok so klook, wat meent is.
Hier gifft dat Tipps, Materialien un Listen
Dat sünd man blots en paar Tipps ut dat bunte Heft, wat de Öllern oder Oma un Opa sik umsünst bi’t Nedderdüütsch-Sekretariat bestellen köönt. Bavento gifft dat noch veele Tipps to Materialien, Infobroschüren, dat gifft Bökerlisten un en List för’t Hören un Kieken. Un verscheden Spele.
Also: „Snacken köönt wi all, man doon is en Ding!“ Bestellt sik de Broschüür (oder laadt sik de daal: Plattdueuetsch-in-de-Familie.pdf) un snackt Platt mit de Lütten.
Kiekt sik to dat Thema Platt in de Familie ok wieder um op de Siet vun dat Nedderdüütschsekretariat: familie | Niederdeutschsekretariat und Bunnsraat för Nedderdüütsch