"Lernen durch erleben" op'n Buernhoff Audio
Weetst du, worüm de Mais en egen Fahn hett? Kann en Koh etwa Galopp lopen as so'n Peerd? Un wat du dat nu glöövst oder nich: Hopsen kann de ok. Dat kannst du di sogor live ankieken op’n Buernhoff. Denn bi dat Projekt „Schulklassen auf dem Bauernhof“ vun de Landweertschopskamer köönt Schölerinnen un Schölers en echten Buernhoff besöken. Ünnerricht twüschen Heu un Stroh un twüschen Köh un Swien. „Lernen durch erleben“ heet dat nu.
Eerstmal na de Tiern buten kieken.Schulklassen auf dem Bauernhof
In diesem Projekt erleben Schülerinnen und Schüler, wo unsere Lebensmittel herkommen und welche Abläufe und Zusammenhänge es in Landwirtschaft, Natur und Umwelt gibt. Gefördert werden Hofbesuche von Schulklassen aller Altersstufen und aller Schulformen. Insbesondere Schulen aus dem städtischen Kontext sind eingeladen, landwirtschaftliche Betriebe zu besuchen.
Landwirtschaftliche Betriebe öffnen ihre Hoftore im Rahmen dieses Projektes und werden zu außerschulischen Lernorten. Die Idee ist Unterrichtsinhalte lebendig zu veranschaulichen und handlungsorientiertes Lernen zu ermöglichen. Kinder und Jugendliche erfahren so mit allen Sinnen, wo die Milch herkommt, wie sich die Spreu vom Weizen trennt und wer sich im Knick tummelt.
Wat dat op en Buernhoff allens gifft
Also rin in’e Gummisteveln un rut ut de Klass. Rin in’e Natur un rüken, sehn, anfaten, toluustern un mitmaken un Spaaß hebben. To’n Bispill bi’t Köh fuddern in’t Schnepfennest bi Birgit Erichsen. Op ehrn Buernhoff kannst du tokieken, wenn de Köh vun’t Melken op de Koppel galoppeert un en Hopser na den annern maakt, wieldatt se sik so freut över dat frische Gras. Un kiek mal, wat dor in‘ Kohstall för en komischen Apparat is: En grote Böst, de sik dreiht. Dat is „Wellness för de Köh“, verkloort Birgit. Denn wenn sik de Köh wohl föhlt, denn geevt se ok mehr Melk. In en annern Stall staht de lütten Kalver un wer stromert dor över den Hoff? Dat is de Katt vun de Buersfamilie. Een kann dor Höhner fodern, tokieken, wenn dat Melkauto kümmt oder de Kantüffeln bi’t Wassen tokieken.
Platt gifft dat opto
„Bauernhof-Pädagogik“ heet dat Töverwoort. Dat Besünnere an dat Schnepfennest: Dat is en vun de teihn plattdüütschen Buernhööv, de bi dat Projekt mitmaken doot. För Birgit Erichsen is de Buernhoff en echte Schatzkist. Un för de Kinner Aventüür pur. Ehr Programm is ganz enfach: „Toerst gah ik mit se in'n Kohstall rin. De Tiern beobachten. Wie oft kaut wull so’n Koh wedder? Wat hebbt de Ohrmarken to bedüden? Wi tellt dorbi. All’ns, wat wi finnen künnt. Oder wi maakt Speele op Platt. De dörft ok mol ehr Hand in‘ Kalvermuul steken. Denn markt de Lütten aver, wat en Säugetier is. Ik finn, man kann Platt an‘ Besten ünnerrichten, wenn dor Bewegen in is.“
Lehren mit Hand un Hart
Dat is ok de Idee, de dor achter steken deit. De Kinner schüllt nich blots still in’e Klass sitten un studeern, se schüllt „mit allen Sinnen erfahren, wo unsere Lebensmittel herkommen und welche Prozesse wie in Natur und Umwelt ablaufen“, so de Landwirtschapskamer. Stütt un Stöhn kriegt de Buern vun‘t Ministerium för Bildung, Wetenschap un Kultur in Sleswig-Holsteen (MBWK). Se kriegt nich blots en Fortbillen in’t Rebeet Buernhoffpädagogik, sünnern ok noch 100 Euro för jedeen Klass, de op’n Hoff kümmt. As Würdigung för se ehr Engagement un Arbeit.
Verscheden Swoorpunkte un Lehrmaterial
Birgit Erichsen maakt dat all över teihn Johr un is glücklich: „Dat du tatsächlich noch Begeistern utlösen kannst, dat is wunnerbor“, swöögt se. Ok de annern Buernhööv hebbt sik wat Besünneres utdacht. De Hoff vun Peter Schröder op Nordstrand, de zücht to’n Bispill de „swatten Perlen vun Freesland“, de Freesen-Peer. Bi Silke Timmermann op’n Hoff am Teich in Armstedt gifft dat Zwergzegen un allerhand Fedderveeh un op’n Hoff Dreisprung künnt sik de Kinner in’t Heubett leggen. Wat för en Spaaß!
Aver ok de Schoolmeister kriegt allerlei an’e Hand, üm ehren Ünnerricht vörtobereiten. Denn op de Internetsiet gifft dat verscheden Lerneinheiten to’n Daalladen. To’n Bispill: „Wo kümmt de Melk her“, „wat krabbelt dor in‘n Knick“, „vom Korn zum Brot“ oder „wat maakt de Buer den ganzen Dag“. Un an’t Enn, dor kann de Lehrer wiss ok seggen, worüm de Mais en Fahn dregen deit . . .
Link zur Internetseite des Projektes "Lernen durch erleben
Düsse Buernhööv maken/planen ehr Anbott ok op Platt.
Koordinatorin för dat Projekt „Schulklassen auf dem Bauernhof" is Christiane Wellensiek.
För dat Kontaktopnehmen
En grote Böst, de sik dreiht, hangt merrn in'n Stall. Dat is „Wellness för de Köh“, verkloort Birgit Erichsen.
Wenn sik de Köh wohl föhlt, denn geevt se ok mehr Melk. De Kinner köönt an en Modell dat Handmelken utproberen.
En Tankwaag haalt jede Dag de Melk af. Wenn wat vörbilopen is, mutt de Hoffplatz mit de Waterslauch afsprütt warrn.