platt.best - Drift vun Harten

Drift vun Harten

Logo Platt Best - Dirft vun Harten

Beste Plattlesers in't Land Audio

Bi dat Landesfinale vun „Schölers leest Platt“ hett Luca Thomsen ut Schwabstedt de eerste Platz haalt. Twee anner Leserinnen ut Noordfreesland kemen in jemehr Öllersklass jeweils op Platz dree.
Ok vunjohr weer Nordfreesland bi de plattdĂĽĂĽtsche Leeswettstriet wedder stark vertreden: Mit Luca Thomsen (3./4. Klass), Maite Rudolph ut Immenstedt (5.-7. Klass) un Lina Ingwersen ut Joldelund (8.-10. Klass) gungen dree dulle Plattlesers an de Start.

Ein Filmteam interviewt Luca Thomsen.In de Merrn vun sien Ă–llern Jessica un Dieter Thomsen stellt Luca sik de Fragen vun de NDR.
#HochDeutsch

Schleswig-Holsteins beste Plattleser sind ermittelt

(PM) Sie sind die Sieger des landesweiten Schleswig-Holsteinischen Schullesewettbewerbs „Schölers leest Platt“: Nach Entscheidungen auf Schul-, Landschafts- und Regionalebene belegten Luca Thomsen aus Schwabstedt (Altersgruppe 3./4. Klasse), Caroline Winter aus Halstenbek (Altersgruppe 5.-7. Klasse) und Jorve Hüttmann aus Grevenkop (Altersgruppe 8.-10 Klasse) die ersten Plätze im Landesentscheid.

Gefördert von den schleswig-holsteinischen Sparkassen und mit UnterstĂĽtzung des BĂĽchereivereins Schleswig-Holstein fĂĽhrt der Schleswig-Holsteinische Heimatbund in Zusammenarbeit mit den Niederdeutschen Zentren, dem Norddeutschen Rundfunk sowie dem IQSH alle zwei Jahre den landesweiten Lesewettbewerb „Schölers leest Platt“ durch, um Kinder, Eltern und Schulen mit der Regionalsprache Niederdeutsch in Kontakt zu bringen. 246 allgemeinbildende Schulen hatten sich dieses Mal beteiligt. 

As wenn dat Lesen nich al opregend noog is

Dat leet meist, as harrn de Lüüd vun dat Sleswig-Holsteen-Magazin dat ahnt, dat Luca ganz vörn mitmischen kunn. Denn as de 14 Finalisten in dat Theater vun de Nedderdüütsche Bühne in Kiel ankemen, hebben se jüst em fraagt, wat se bi em un sien Öllern de Namiddag mit Kamera un Mikrophon mitlanglopen dorven. De Stress noch opto harr lang nich jeder so kort vör't Finale op sik nahmen. Aver dor froog Luca nix na.

Höpen op de Lieblingsgeschicht

He vertellde de Filmlüüd noch vörweg, dat he an’n leevsten de lustige Geschichte „Köönt Apen singen?“ lesen worr un an’n wenigesten geern dat Stück „Emil hett dat Been braken“. De weer man eerst bi de letzte Runn nu in de Utwahl vun fief Texte opnahmen worrn, de de Lesers egenstännig vörbereiden mussen. „Mit veel Öven weer dor nix. Bi dat is de Geschicht nochmal so swoor to lesen“, vertell Luca sien Vadder. Dat bi’t Wörpeln denn jüst düsse Geschicht för Luca rutkamen dee, smeet em aver nich ut de Bahn. He leet sik nix anmarken un kunn de Jury mit sien Vördrag övertügen. Caroline Winter ut Halsenbek hett bi de 5.-7. Klass un Jorve Hüttmann ut Grevenkop bi de 8.-10. Klass wunnen.

Jede drĂĽtte School in't Land mit Leestexte versorgt

246 Scholen harrn sik dütmal insgesamt 21000 Heften kostenlos kamen laten. De Themen bi de Texte gahn vun’t Beziehungsdrama över Science-Fiction bet to lustige Tiergeschichten. 193 Schoolsiegers worrn mellt, um mit en eerste Platz bi en Landschopsentscheed en Ticket för de Regionalrunn to lösen.

Föddert vun de sleswig-holsteenschen Spoorkassen un mit Stütt vun de Bökerievereen Sleswig-Holsteen, de Plattdüütsch-Zentren, de NDR un dat IQSH föhrt de Sleswig-Holsteensche Heimatbund all twee Johr landswiet de Leeswettstriet „Schöler leest Platt“ dör. Dormit schall bi Kinner, Öllern un Scholen Opmerksamkeit un Gespöör för de Regionalspraak Plattdüütsch weckt un stäärkt un ehr Bedüden för de sleswig-holsteensche Kultur un Identität vermiddelt warrn.

Mehr to lesen gifft dat op de Internetsiet vun de Sleswig-Holsteensche Heimatbund.

 

Luca Thomsen liest im Textheft des Lesewettbewerbs "Schölers leest Platt"

Luca Thomsen bereitet sik op de fief Stücken vör, ut de bi't Finale een to'n Vörlesen utlost warrt.

Moderator Jan Graf überlässt Maite Rudolph die Bühne für ihren Lesevortrag

Jan Graf, Referent för Plattdüütsch bi de SHHB, överlett Maite Rudolph de Bühne för ehren Vördrag.

Lina Ingwersen zeigt ihr Textheft von "Schölers leest Platt"

Lina Ingwersen hett in ehr Schooltiet bi veer Dörgänge vun "Schölers leest Platt" mitmaakt un weer twee Mal in't Finale.

Fotos: Familien Thomsen und Ingwersen, Gesa Retzlaff
PlattdĂĽĂĽtsch Zentrum / Zentrum fĂĽr Niederdeutsch
Landesdeel Schleswig
Wi möögt Cookies
Cookies maken uns dat Anbeden vun unsen Deenst lichter. Wenn Se op unse Siet ünnerwegens sind, bedüüdt dat, dat Se dor nix gegen hebbt, dat wi Cookies bruken. Hier gifft dat dorto mehr to weten...