Audios för Plattdüütsch-Lehrwark Audio
„Düt Wuchenenn sünd Emma un ehr Süster Mia bi Oma Maren un Opa Klaus to Besöök . . . Se kiekt tosamen Biller an: Oma, wokeen is dat? Ik weet dat, ik weet dat, röppt Emil. Na, wat meent ji denn, fraagt Oma. Dat Baby süht ut as Emil, meent Sina . . .“ Un so geiht dat denn hin un her in den lütten Snack twüschen Emma un Oma un Opa in de niegen Audio-Dateien to dat plattdüütsche Schoolbook „Emma un Paul snackt Platt“. Bi’t Toluustern kaamt de Lütten vele plattdüütsche Wöör ut dat Familienleven in‘n Kopp. Wenn Opa un Oma dör’t Album blädert un denn vertellt. As se tosamen an‘n Strand weern, wann de lütt Sina Tähn kregen hett oder ob Oma Maren graue Hoor hett oder nich.
So süht en Siet mit dat Begleitmaterial to "Paul un Emma un ehr Frünnen" ut. Dor sünd ok de Audios to finnen.Lehrwerk-Dialoge zum Anhören
„Audio-Aufnahmen und damit verbundene Höraufgaben sind notwendiger Bestandteil eines modernen Fremdsprachenunterrichts, auch in der Regionalsprache Niederdeutsch. Sie helfen vor allem den Nicht-Muttersprachlerinnen und –sprachlern, aber auch den Lehrkräften“, so Karen Nehlsen, Landesfachberaterin Niederdeutsch und Koordinatorin für Regional- und Minderheitensprachen beim Institut für Qualitätentwicklung an Schulen in Schleswig-Holstein. Jetzt stünden die Aufnahmen und auch ein eigens komponierter „Paul un Emma“-Song auf den IQSH-Lernnetzseiten den Lehrkräften kostenlos und jederzeit frei zugänglich zur Verfügung.
In 16 Lexen liek dör de lütte Platt-Welt
In 16 Lexen beleevt Emma un Paul allerlei Aventüür twüschen Familie, School un ehr Tohuus in Lüttstadt in Plattdüütschland. De passen Audio-Dateien sünd nu jüst in Itzehoe vörstellt worrn. Dat is en Tosamenarbeit vun dat Institut för Qualitätsentwickeln an Scholen in Sleswig-Holsteen (IQSH) un de Auguste-Viktoria-School in Itzehoe. Stütt un Stöhn hebbt se vun‘n Offenen Kanal Westküste kregen. De hett nämlich en Buten-Studio in‘n Kulturbahnhoff Viktoria. Dor hebbt se denn ok all de Dialoge ünner de Regie vun Ingrid Ebinal un mit dat technische Leit vun Nils Jacobs opnahmen. Un dat weer all’ns blots halv so schöön ahn de Schölerinnen un Schölers vun de Auguste-Viktoria-School, de jümmers wedder in anner Rullen slüppt sünd. „Audio-Aufnahmen und damit verbundene Höraufgaben sind notwendiger Bestandteil eines modernen Fremdsprachenunterrichts, auch in der Regionalsprache Niederdeutsch. Sie helfen vor allem den Nicht-Muttersprachlerinnen und-sprachlern, aber auch den Lehrkräften“, hett Karen Nehlsen bi de Presse-Vörstellen in Itzehoe seggt. De Audio-Dateien staht in’t Internett op de IQSH-Lernnetzsiet paraat.
Siet 2015 lehrt de Kinner Platt mit „Paul un Emma“
Paul un Emma snackt nu all siet 2015 Platt. Sietdem gifft dat dat Lehrwark „Paul un Emma snackt plattdüütsch“ för de eerste un twete Klass. Mit vele Biller, Wöör un lütte Texten. So sünd se mal anfungen. Un as se in de drütte Klass kemen, hebbt se mit dat Book „Paul un Emma un ehr Frünnen“ wiedermaakt. Nu weren dor ok Vokabeln binnen un Opgaven un dor güng dat denn ok üm de richtige Schrievwies vun Wöör. Denn dat Lehrbook för de drütte un veerte Klass orienteert sik nipp un nau an de moderne Fremdspraken-Didaktik. Dat heet: Dat geiht nu nich blots üm dat Hören un Verstahn vun de Spraak, dat geiht ok üm dat Lesen un Schrieven vun Plattdüütsch. De Kinner lehrt nu den Woortschatz, de Grammatik, de Schrievwies un de richtige Utspraak kennen. Un twoors mit ganz bestimmte Themen: „Die konsequente Gestaltung einer niederdeutschsprachigen Umwelt ist der Ansatz des Lehrbuches und ermöglicht viele kreative Ideen", so Robert Langhanke vun de Europa-Uni in Flensborg. He harr dat Leit vun de Schoolbook-Arbeitsgrupp.
Ankieken, lesen, basteln, schrieven un nu ok noch toluustern
Dat gifft so veel to spekuleern, to’n Ankieken un to’n Klütern – dor kriegt de Kinner wiss keen Langewiel. Un dat Schöönste is doch: Dat sünd allens Saken, de de Schoolkinner ut ehren Alldag kennen doot. Dor kümmt dat Tohuus vör, de Familie, Eten un Drinken, de Frünnen, de School, dat Inköpen, de niege Technik un dor warrt sogor mol över den plattdüütschen Tuun keken – na Europa un woans dat bi anner Kinner so togeiht. Aver de Schoolbook-Makers hebbt ok an de Schoolmeesters dacht: Dat gifft verscheden Arbeitsbläder, Ünnerrichts-Entwürfe, Lern-Korten un nu ok noch de Audio-Dateien.
De Audio-Dateien sünd lütte, spannende Höörspele
Nu künnt sik de Schoolkinner nipp un nau anhöörn, woans Plattdüütsch klingen deit. Un se sünd sotoseggen live dorbi, wenn Emma un Paul bi Oma un Opa tohuus ole Biller ankiekt. Denn de Audio-Dateien sünd as lütte Höörspele mit ganz verscheden Personen: Schöler un Schölerinnen vun de Auguste-Vuiktoria-School in Itzehoe sünd för de Kinnerstimmen tostännig, de Stimmen vun de Groten snackt ehr Schoolmeestersche Maike Kühl un Karen Nehlsen. Se is de Landesfachberaderin Nedderdüütsch bi’t Institut för Qualitätsentwickeln an Scholen in Sleswig-Holsteen (IQSH). Vun ehr kümmt ok de Idee mit de lütten Audios: „Geboren wurde die Idee, als ich erfuhr, dass der Kultur-Bahnhof mit Schulen zusammenarbeitet und sein Studio StörFrequenz nicht nur für Radio-Sendungen, sondern auch für Hörspielproduktionen einsetzt. So kam es zur Kooperation bei der Umsetzung dieses Projekts.“
Gerrit Hoss un Kai Lindner hebbt en Leed för Paul un Emma komponeert
Aver dat gifft ok noch en besünnern Bontjer: En egen Leed för Paul un Emma. Musikant Gerrit Hoss hett dat tosamen mit den Musiker Kai Lindner textet un komponeert. Dr. Gesa Ramm, de Böverste vun‘t IQSH is övertüügt, „dass die Förderung des Unterrichts in den Regional- und Minderheitensprachen . . . nur gelingen kann, wenn zeitgemäße Unterrichtsmaterialien entwickelt und zur Verfügung gestellt werden.“ An de middewiel 44 plattdüütschen Modellscholen in’t Land höört man nu jedeen Morgen luud dat Leed: „Paul un Emma snackt Platt“. Un denn geiht de Ünnerricht los.
Link na de Siet mit de niegen Audiodateien för "Paul un Emma un Ehr Frünnen"