Platt för de Lütten - Wiederbillen för Kita-Lüüd Audio
Plattdüütsch mit Freud un Sekerheit sülvstverständlich in'n Alldag intobuen, dat is de Idee , de achter unse Reeg „Platt för de Lütten“ steiht. De verscheden Anbotten orienteren sik an de Erfohren, Wünsch un an de Tiet, wat de Deelnehmerinnen un Deelnehmers opbringen könen.
Jüst in't fröhe Kindsöller könen verscheden Spraken ganz sülvstverständlich opnahmen warrn. Bi dat is fröhe Mehrsprakigkeit mehr as dat Lehren vun mehr as een Spraak. De Wetenschop hett wiest, dat dat groot warrn mit mehr Spraken de Spraakverstand stärkt, dat kreative Denken föddert un Kinner nie'e Mööglichkeiten för dat Deelhebben un Mitenanner gifft.
Plattdeutsch in den Kita-Alltag bringen
Für Pädagog*innen und sonstige Multiplikator*innen, die Plattdeutsch an die Jüngsten weitergeben wollen, bieten wir ein Auswahl an Fortbildungen an. Neben einer Auswahl an Inhouse-Modulen für Kita-Teams, gibt es Online-Kurse zum Üben und Festigen des Sprechens und „Opfrischers“ für Aktive, die bereits mit Platt bei den Lütten in Gang sind.
„Platt för de Lütten – in’t Huus“: Wiederbillen as ut en Bukasten
Dat modulore Inhouse-Format „Platt för de Lütten – in’t Huus“ kummt direkt rin in de Inrichtens. As ut en Bukasten könen Teams de Wiederbillen na ehr egen Bedarf tosamenstellen un nipp un nau de Inholden utsöken, de wat för ehren pädagoogschen Alldag besunners interessant un goot to bruken sünd.
To dat Anbott hören:
- Eenfach anfangen: En gemeensame Instieg för dat Team, um Lust op Platt to maken, eerste Ideen to entwickeln wann, wo un vun wokeen Platt snackt warrn kunn.
- Begleiden vun en Öllernavend: En Anbott, um Öllern mittonehmen, Fragen optogriepen un Anregen för de egen Alldag to geven.
- Praktische Modulen: In Eenheiten vun twee- oder dree Stunnen warrn verscheden Themen opgrepen. Dorbi steiht dat praktische Utproberen vörnan: Platt snacken, spelen, singen un in däägliche Situatschonen inbuen.
„Lütten-Online“: Platt snacken un Sekerheit winnen
Plattdüütsch verstahen klappt veelmals al richtig goot, man för't Snacken fehlt flietig noch de Moot un de Sekerheit.
Hier sett „Lütten-Online“ an. In de Kurs lett sik dat Snacken övern, de Schu afbuen un Schritt för Schritt mehr Sekerheit in de Umgang mit Plattdüütsch winnen. In entspannte Atmosphäär geiht dat dor um, sik uttoproberen un de egen Spraakkenntnissen to aktiveren un uttobuen.
„Lütten-Opfrischer“: Nie'es för Öövten
För Kita-Lüüd, de al mit Plattdüütsch in de Gang sünd un ehr Repertoire utwieden muchen, büddt de „Lütten-Opfrischer“ nie'e Impulsen.
Bekanntes opfrischen, mehr Ideen för de pädagoogsche Alldag sammeln un gemeensam utproberen: De Opfrischer richt sik an all, de al plattdüütsch aktiv sünd un ehr Mööglichkeiten utbuen muchen.
Platt höört eenfach dorto
Mit de Anbotten ut de „Platt för de Lütten“-Reeg muchen wi Moot maken: Plattdüütsch schall nich as Lehrprogramm opto verstahn warrn. De Spraak kann ganz sülvstverständlich Deel vun de pädagoogsche Alldags sien – bi't Begröten un Verafscheden, bi't Spelen, Singen un Vertellen, bi Ritualen oder twüschendör. So beleven Kinner Plattdüütsch as lebennige Spraak un as natürliche Deel in ehr Levenswelt. Op de Weg dorhen ünnerstütten wi geern: Unse "Lütten"-Teamer freuen sik op de Kontakt un de Arbeit mit jem!
Anspreekpartnerin in unse Plattdüütsch Zentrum:
Gesa Retzlaff,